Bu gün Azərbaycan Premyer Liqasında XI tura start verilib.
APA-nın məlumatına görə, milli komandaların oyunları ilə əlaqədar yaranacaq fasilə ərəfəsindəki turun ilk günündə iki matç keçirilib.
Qəbələdə eyniadlı komanda “Səbail”i qəbul edib. Hər biri 6 matçdır qalib gəlməyən rəqiblərin duelində meydan sahibləri güclü olub.
Rəqibini 3:0 hesabı ilə darmadağın edən “Qəbələ” mövsümdə ilk ev qələbəsini qazanıb. Davit Volkovun dubl etdiyi görüşdə digər qola Ülvi İsgəndərov imza atıb. “Səbail” isə son 7 qarşılaşmada cəmi 2 xal qazanıb.
Liderin iki ən yaxın izləyicisi “Keşlə” və “Neftçi” “ASCO Arena”da qarşılaşıblar. Matçda hesab ilk yarının sonlarında açılıb. Donald Gerye “ağ-qaralar”ın heyətində ilk qolunu vurub.
Meydan sahibləri fasilədən sonra nəinki hesabda tarazlıq yaradıb, hətta qələbə qolunu da vurub. Franko Flores və Sezar Meza Kolli qonaqları məyus edib. Nəticədə “Keşlə” 2-ci pilləni rəqibindən alıb.
Bu, “Qarabağ”a qış çempionluğunu indidən təmin etmək üçün imkan yaradıb. Ağdamlılar sabah “Zirə”yə qalib gəlsə, qış fasiləsinə üç tur qalmış ilk yarını 1-ci yerdə başa vuracaqlarını rəsmiləşdirəcək.
Qeyd edək ki, tura sabah yekun vurulacaq. “Qarabağ” “Zirə”ni, “Sabah” “Sumqayıt”ı qəbul edəcək.
Azərbaycan Premyer Liqası
XI tur
9 noyabr (şənbə)
“Keşlə” – “Neftçi” – 2:1
Qollar: Franko Flores, 63, Sezar Meza Kolli, 82 - Donald Gerye, 45+1
Hakimlər: Vüqar Həsənli, Mübariz Haşımov, Cavanşir Yusifov, Rauf Cabarov
Hakim-inspektor: Babək Quliyev
AFFA nümayəndəsi: Mübariz Hüseynov
“ASCO Arena”, 17:00
“Qəbələ” – “Səbail” – 3:0
Qollar: Davit Volkov, 22, 45+2; Ülvi İsgəndərov, 90+2
Hakimlər: Elçin Məsiyev, Elşad Abdullayev, Qəzənfər Məmmədov, Namiq Bəkirov
Hakim-inspektor: Rövşən Əhmədov
AFFA nümayəndəsi: Erkin Hüseynov
Qəbələ şəhər stadionu, 15:00
1 |
Qarabağ |
10 |
8 |
2 |
0 |
19-2 |
26 |
2 |
Keşlə |
11 |
5 |
4 |
2 |
13-6 |
19 |
3 |
Neftçi |
11 |
5 |
3 |
3 |
16-10 |
18 |
4 |
Səbail |
11 |
3 |
2 |
6 |
8-17 |
11 |
5 |
Sumqayıt |
10 |
3 |
2 |
5 |
11-15 |
11 |
6 |
Sabah |
10 |
2 |
4 |
4 |
10-11 |
10 |
7 |
Zirə |
10 |
2 |
4 |
4 |
10-16 |
10 |
8 |
Qəbələ |
11 |
2 |
3 |
6 |
9-19 |
9 |
Bombardir: Lorenzo Frutos ("Keşlə") - 5 qol.