Hadisə

Ana səhifə

Hadisə

Elmira Süleymanova Rusiya Ombudsmanına müraciət edib

14 fevral 2007 16:50 (UTC +04:00)

Azərbaycanın insan hüquqları üzrə müvəkkili Elmira Süleymanova Rusiya Federal Ombudsmanına və federasiya subyektlərinin insan hüquqları üzrə Müvəkkillərinə müraciət edib. Ombudsman Aparatından APA-ya daxil olan məlumata görə, E. Süleymanova “Rusiya Federasiyasında xarici vətəndaşlarının hüquqi vəziyyəti haqqında” federal qanuna dəyişikliklər edilməsi haqqında” qanunun qüvvəyə minməsini nəzərə alaraq rusiyalı həmkarlarından bu ölkənin təcridxanalarında saxlanılan, habelə qeyri-leqal yaşayan azərbaycanlıların sayı barədə yerli icra hakimiyyəti və milis orqanlarının vasitəsilə məlumat əldə edilməsində yardımçı olmağı xahiş edib. Müvəkkil həmçinin həmin şəxslərin statusunun leqallaşdırılmasında soydaşlarıma qarşı ayrı-seçkilik edilməməsinə çağırıb və bu prosesin nəzarətdə saxlanmasını istəyib. /APA/