Hadisə

Ana səhifə

Hadisə

4 oğurluq faktının üstü açılıb

08 oktyabr 2007 14:07 (UTC +04:00)

Avtomobildən oğurluq etməyə cəhd göstərən şəxs yaxalanıb. Daxili İşlər Nazirliyinin mətbuat xidmətindən APA-ya verilən məlumata görə, oktyabrın 5-də Ə. Cəmil küçəsində naməlum şəxs Bakı şəhər sakini Mətin Talışlıya məxsus “Subaru” markalı avtomaşından şüşəni sındırmaq yolu ilə idman çantasını oğurlamağa cəhd göstərib. Yasamal RPİ-nin 28-ci polis bölməsi əməkdaşlarının keçirdiyi əməliyyat tədbirləri nəticəsində Sumqayıt şəhər sakini Fariz Sadıqov tutulub.
Sumqayıt ŞP-nin əməkdaşları şəhər sakini Tofiq Əmiraslanovu saxlayıb. T. Əmiraslanov oktyabrın 6-da 4-cü mikrorayon ərazisində şəhər sakini Tural Məhərrəmova qarşı zor tətbiq edərək 60 manatını və mobil telefonunu almaqda təqsirləndirilir.
Xətai RPİ 35-ci polis bölməsinin əməkdaşları Bakı şəhər sakini Elşad Tağıyevi saxlayıb. O, oktyabrın 6-da Gəncə prospektindəki 89 saylı binada liftin mühərrikinin mis sarğılarını sökərək oğurlamağa cəhd göstərib.
Lənkəran ŞRPŞ əməkdaşları isə Lənkəran rayon “Balıq” Səhmdar Cəmiyyətinə məxsus konserv sexindən elektrik avadanlıqlarını sökərək oğurlayan şəxsi həbs edib. Bu, rayon sakini Rasim Cavadovdur. /APA/