Bakıda narkotik maddələrin qanunsuz dövriyyəsində şübhəli bilinən şəxs saxlanılıb.
APA-nın məlumatına görə, Sabunçu rayon Polis İdarəsinin keçirdiyi əməliyyat-axtarış tədbirləri nəticəsində əvvəllər də narkotik alverində təqsirli bilinərək məhkum edilən, 1992-ci il təvəllüdlü Rafiq Mehdiyev saxlanılıb.
Onun üzərinə və əşyalarına baxış keçirilərkən əlində olan göy rəngli sellefondan 1 kq 108 qram heroin aşkar edilərək götürülüb.
Faktla bağlı araşdırma aparılır.