DYP: Nəqliyyat vasitələrini idarə etmək vərdişləri olmayan sürücülər yola çıxmasınlar

DYP: Nəqliyyat vasitələrini idarə etmək vərdişləri olmayan sürücülər yola çıxmasınlar
  • Clock-gray 14:59
  • calendar-gray 24 Fevral 2021

Respublikanın bir çox ərazilərində, o cümlədən paytaxt Bakıda dünən axşamdan başlayan qarlı, küləkli hava şəraiti və bəzi yolların buz bağlaması sürücülərin yollarda çətin vəziyyətlərə qalmalarına səbəb olub.

Baş Dövlət Yol Polisi İdarəsindən APA-ya verilən məlumata görə, bu cür hava şəraitində, qarlı-buzlu yollarda nəqliyyat vasitələrini idarə etmək vərdişləri olmayan sürücülər ümumiyyətlə yola çıxmasınlar ki, özləri və digər hərəkət iştirakçıları üçün təhlükə yaratmasınlar: “Eyni zamanda, hər iki oxu aparıcı olan, qış şinləri ilə təchiz olunan nəqliyyat vasitələrindən istifadə etmək tövsiyə olunur. Yollarda hərəkət zamanı sürət həddi minimuma endirilməklə elə ara məsafəsi saxlanılmalıdır ki, qarşıdakı avtomobil dayandıqda və ya sürüşdükdə toqquşmadan yayınmaq mümkün olsun”.

apa-logo-mini

Digər xəbərlər