Sabiq müllət vəkili Gülər Əhmədovanın oğlu Toğrul Əhmədov məhkəmə qarşısına çıxarılıb.
APA-nın məlumatına görə, T.Əhmədov Cinayət Məcəlləsinin 228.1-ci (qanunsuz silah saxlama) maddəsi ilə təqsirləndirilən şəxs qismində cəlb edilməklə barəsində məhkəmənin qərarı ilə 2 ay müddətinə həbs qətimkan tədbiri seçilib.
T.Əhmədov Bakı İstintaq Təcridxanasına köçürülüb.
***
saat 17:22
Sabiq millət vəkili Gülər Əhmədovanın oğlu saxlanılıb.
APA-nın əldə etdiyi məlumata görə, Baş Mütəşəkkil Cinayətkarlıqla Mübarizə İdarəsi əməkdaşlarının keçirdikləri əməliyyat-axtarış tədbirləri nəticəsində saxlanılan Toğrul Əhmədovun sabiq millət vəkili Gülər Əhmədovanın oğlu olduğu məlum olub.
Daxili İşlər Nazirliyinin (DİN) Mətbuat Xidmətinin rəisi Ehsan Zahidov APA-ya faktı təsdiqləyib.
Xatırladaq ki, T.Əhmədovun avtomobilindən silah götürülməsi barədə Daxili İşlər Nazirliyi fevralın 10-da məlumat yayıb. Onun Gülər Əhmədovanın oğlu olması barədə ilk xəbəri isə “baku.ws” saytı yazıb.
***
10 fevral, saat 11:42
Bakı sakinindən qanunsuz silah götürülüb.
Daxili İşlər Nazirliyinin (DİN) mətbuat xidmətindən APA-ya verilən məlumata görə, Baş Mütəşəkkil Cinayətkarlıqla Mübarizə İdarəsi əməkdaşlarının rayonu ərazisində keçirdikləri əməliyyat-axtarış tədbirləri nəticəsində Bakı şəhər sakini T.Əhmədovun idarə etdiyi BMW markalı avtomobildən “Glock-19” markalı tapança, 2 ədəd patron darağı və 38 ədəd patron aşkar edilərək götürülüb.
Faktla bağlı araşdırma aparılır.