Prokurorluq: İtkin düşdüyü bildirilən şəxslərin avtomobili Cəbrayılda minaya düşüb

Prokurorluq: İtkin düşdüyü bildirilən şəxslərin avtomobili Cəbrayılda minaya düşüb
  • Clock-gray 21:16
  • calendar-gray 07 Fevral 2021

Fevralın 4-də Füzuli rayon sakini Şahin Quliyev Füzuli rayon polis şöbəsinə müraciət edərək qardaşı Mehman Quliyevin, rayon sakinləri İlqar Əhmədovun və Müstəqim Ələsgərovun itkin düşmələri barədə məlumat verib.

 Cəbrayıl rayon prokurorluğun APA-ya verilən məlumata görə, aparılmış ilkin araşdırmalarla fevralın 7-də İlqar Əhmədova məxsus “VAZ 2106” markalı 99 NH 623 dövlət qeydiyyat nişanlı avtomobilin Cəbrayıl rayonunun işğaldan azad edilmiş Nüzgar kəndi ərazisində tank əleyhinə minaya düşərək partlaması müəyyən olunub.  

Faktla bağlı rayon prokurorluğunun əməkdaşları tərəfindən hadisə yerinə keçirilən baxış zamanı həmin ərazidə 1988-ci il təvəllüdlü Mehman Quliyevin meyiti aşkar edilib.

Hazırda digər şəxslərin yerinin müəyyən edilməsi istiqamətində zəruri tədbirlərin həyata keçirilməsi davam etdirilir. 

apa-logo-mini

Digər xəbərlər