Goranboyda dəm qazından zəhərlənmə faktı qeydə alınıb.
APA-nın yerli bürosunun məlumatına görə, hadisə rayonun Aşağı Ağcakənd kəndində qeydə alınıb. Quba rayon sakini, 1994-cü il təvəllüdlü Əzizov Şəhriyar Hüseynbala oğlu hamamda dəm qazından zəhərlənib. Dərhal xəstəxanaya aparılan Ş.Əzizovun həyatını xilas etmək mümkün olmayıb.
Faktla bağlı araşdırma aparılır.