Saatlıda həmyerlisini bıçaqlayan şəxs saxlanılıb.
APA-nın Mil-Muğan bürosunun məlumatına görə, əvvəllər məhkum olunmuş Qıraqlı kənd sakini, 1992-ci il təvəllüdlü Qasımov Nurlan Alim oğlu Saatlı polisi tərəfindən tutulub.
Qeyd edək ki, adı çəkilən şəxs aprelin 4-də səhər saatlarında Saatlının Mustafabəyli kənd sakini, 1982-ci il təvəllüdlü Zeynalov Asim Gülmalı oğlunu qarın nahiyəsindən bıçaqlayıb. Sonuncu qarın boşluğunu dəlib keçən yara ilə Şirvan Şəhər Mərkəzi Xəstəxanasına yerləşdirilib.
Faktla bağlı cinayət işi açılıb, araşdırma aparılır.