Yevlaxda 3 avtomobil toqquşub, xəsarət alanlar var

Yevlaxda 3 avtomobil toqquşub, xəsarət alanlar var
  • Clock-gray 17:14
  • calendar-gray 03 Mart 2021

Yevlaxda 3 avtomobilin toqquşması ilə nəticələnən yol qəzası olub.

APA-nın Mingəçevir bürosunun məlumatına görə, hadisə rayonun Gülövşə kəndi yaxınlığında baş verib. “Mitsubishi”, “Mercedes” və “VAZ-2107” avtomobillərin toqquşması nəticəsində 3 nəfər xəsarət alıb.

Hadisə yerinə Fövqəladə Hallar Nazirliyinin xilasediciləri gəlib. Xilasedicilər maşında sıxılmış vəziyyətdə qalan, Yevlax rayon sakini, 1989-cu il təvəllüdlü Kərimov Pərvin Muxtar oğlunu çıxararaq həkim briqadasına təhvil veriblər. Yaralı xəstəxanaya yerləşdirilib.

Qəza nəticəsində daha iki nəfər yüngül xəsarət alıb. Onlara hadisə yerində ilkin tibbi yardım göstərildikdən sonra buraxılıblar.

Faktla bağlı araşdırma aparılır.

Ehtiram Muradov

Digər xəbərlər