Bakının Sabunçu rayonunda minik və yük maşınları toqquşub.
APA xəbər verir ki, qəza Balaxanı qəsəbəsi ərazisində qeydə alınıb.
Sultan Məmmədyarovun idarə etdiyi “Chevrolet” markalı minik avtomobili Namiq Nəbiyevin idarə etdiyi “MAN” markalı yük avtomobili ilə toqquşub. Zərbənin gücündən minik avtomobilinin sürücüsü Sultan Məmmədyarov bədən xəsarətləri alıb. Xəsarət alan şəxs 3 saylı Şəhər xəstəxanasına yerləşdirilib.
Qeyd edək ki, hadisə zamanı minik maşını deformasiyaya uğrayıb.
Faktla bağlı avtotexniki ekspertiza təyin edilib.