Biləsuvar rayonunda baş verən qəzada yaralananların adları məlum olub.
APA-nın yerli bürosunun verdiyi məlumata görə siyahı aşağıdakı kimidir:
- Sumqayıt şəhər sakini 1986 - cı il təvəllüdlü Elşən Vahid oğlu Qədirov,
- Sumqayıt şəhər sakini 1983 - cü il təvəllüdlü Rüstəm Fəxrəddin oğlu Əlişanov,
- Hacıqabul rayon sakini 1998 - ci il təvəllüdlü Süleyman Sadiq Abdullayev,
- Sumqayıt şəhər sakini 1998 ci il təvəllüdlü Emin Hakverdi oğlu Həsənov,
- Biləsuvar rayon sakini 1998 - ci il təvəllüdlü Elmir Emin oğlu Niftiyev,
- Biləsuvar rayon sakini 1994 cü il təvəllüdlü Elmar Marif İskəndərov,
- Biləsuvar rayon sakini 1992 ci il təvəllüdlü Vaqif Nürəddin oğlu İmanov,
- Qəbələ rayon sakini 1992 ci il təvəllüdlü Hacıyev Taryel Elhan oğlu Hacıyev
- Sumqayıt şəhər sakini 1979 cu il təvəllüdlü Razi Əliməhəmməd oğlu Pirimov
- Sabirabad rayon sakini 1995 ci il təvəllüdlü Əlizadə Elməddin Ələddin oğlu Əlizadə,
- Sumqayıt şəhər sakini 1989 cu il təvəllüdlü Bayramov Natiq Nizami Bayramov,
- Suumqayıt səhər sakini 1986 cı il təvəllüdlü Qədirov Elşən Vahid oğlu Qədirov və
- Sumqayıt şəhər sakini 1987 ci il təvəllüdlü Hüseynov Nicat Fərhad oğlu Hüseynov.
***
12:25
Biləsuvarda ağır yol qəzasında ölən şəxslərin kimliyi məlum olub.
APA-nın yerli bürosu xəbər verir ki, bunlar "BMW" markalı minik avtomobilinin sürücüsü, 1968-ci il təvəllüdlü Sumqayıt şəhər sakini, Şahin Möhbü oğlu Fətullayev və avtomobildə sərnişin qismində olan 1961-ci il təvəllüdlü Bakı şəhər sakini, Bəymirzə Yəhya oğlu Mərdanovdur.
Yaralılar isə Biləsuvar rayon Mərkəzi xəstəxanasında müalicələrini davam etdirirlər.
***
10:20
Xəbərə fotolar əlavə edilib.
***
10:20
Bu səhər Biləsuvar rayonunda 2 nəfərin ölümü, 13 nəfərin yaralanması ilə nəticələnən hadisəsi baş verib.
APA-nın cənub bürosunun verdiyi məlumata görə, hadisə köhnə Ələt Astara avtomobil yolunun, Biləsuvar rayonunun Xırmandalı - Hacıqışlaq kəndi ərazisindən keçən hissəsində qeydə alınıb.
“BMW” markalı avtomobillə “Mercedes” markalı mikroavtobus toqquşub. Hadisə yerində 2 nəfər dünyasını dəyişib, 13 nəfər müxtəlif dərəcəli bədən xəsarətləri alaraq rayon mərkəzi xəstəxanasına çatdırılıblar. Hazırda qəzanın baş vermə səbəbləri araşdırılır. Əlavə məlumat veriləcək.
İlkin Rzayev
***
09:23
Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Biləsuvar rayonunun Xırmandalı kəndində yol-nəqliyyat hadisəsinin baş verməsi ilə əlaqədar xilasedici köməyinə ehtiyac olması barədə məlumat daxil olub.
FHN-dən APA-ya verilən məlumata görə, nazirliyin ən yaxın xilasetmə qüvvələri - Dövlət Yanğından Mühafizə Xidmətinin yanğınsöndürən-xilasediciləri köməyə cəlb olunub.
Əməliyyat şəraiti qiymətləndirilərkən müəyyən olunub ki, “BMW” markalı minik avtomobili və “Mercedes” markalı mikroavtobus toqquşub, 2 nəfər minik avtomobilində sıxılmış vəziyyətdə qalıb.
Həyata keçirilən xilasetmə tədbirləri nəticəsində zədələnmiş avtomobildən 1 nəfər sağ, digər 1 nəfərin meyiti çıxarılaraq aidiyyəti üzrə təhvil verilib.