Hadisə

Ana səhifə

Hadisə

İdman zalında qətlə görə iş istintaqa qaytarılıb, məhkəmədə insident olub

29 aprel 2022 13:41 (UTC +04:00)

Bakıda idman zalında qətl törədən Əli Abbasovun cinayət işi üzrə məhkəmə araşdırması davam etdirilib.
APA xəbər verir ki, Bakı Ağır Cinayətlər Məhkəməsində hakim Azər Paşayevin sədrliyi ilə keçirilən iclasda qətlə yetirilən Bəxtiyar Nəsibovun qardaşı Vüsal Nəsibov ifadə verib.

Şahid istintaqda dindirilən zaman qardaşının qətl törətdiyini görmədiyini desə də, məhkəmədə hadisənin şahidi olduğunu bildirib.

Prosesdə zərərçəkmiş şəxsin vəkilinin cinayət işinin istintaqa qaytarılması ilə bağlı qaldırdığı vəsatətə baxılıb.

Vəkilin sözlərinə görə, təqsirləndirilən şəxs Vüsal Nəsibovu tək öldürməyib, cinayətdə başqa adamların da iştirakı olub.

Vəkil Vüsal Nəsibovun Cinayət Məcəlləsinin 120.2.4 (xüsusi amansızlıqla və ya ümumi təhlükəli üsulla adam öldürmə) və 120.2.2 (xuliqanlıq niyyəti ilə adam öldürmə) madələri ilə ittiham edilməli olduğunu deyib.

Dövlət itthamçısı cinayət işinin istintaqa qaytarılmasına etiraz edərək, vəsatətin təmin olunmamasını istəyib.

Məhkəmə müdafiəçinin qaldrıdığı vəsatəti təmin edib. Cinayət işi yenidən araşdırılması üçün istintaqa qaytarılıb.

Təqsirləndirilən şəxsin anası qərara etiraz edərək, zalda məhkəməyə məxsus kompüteri qırıb.

Məhkəmə zalında bu cür davranışa görə akt tərtib olunub.

Xatırladaq ki, hadisə ötən il martın 1-də paytaxtın Xətai rayonu ərazisində qeydə alınıb.
İstintaqla müəyyən edilib ki, qeyd edilən tarixdə şəhər sakini Əli Abbasov Bakı şəhəri, Xətai rayonu, N.Tusi küçəsində yerləşən idman zalında məşq edərkən həmin zalda idman edən 1999-cu il təvəllüdlü Bəxtiyar Nəsibov ilə bir-birilərinə baxmaq səbəbindən aralarında yaranmış mübahisə zamanı sonuncu ona sağlamlığına qısa müddətdə pozulmasına səbəb olan sağlamlığa yüngül zərərvurmaya aid bədən xəsarətləri yetirdikdən sonra o, qisas almaq niyyəti ilə Bəxtiyar Nəsibovu üzərində gəzdirdiyi bıçaq ilə sonuncunun döş qəfəsinin sol yan nahiyəsindən xəsarətlər yetirərək qəsdən öldürüb.
Əli Abbasov Cinayət Məcəlləsinin 120.1-ci (qəsdən adam öldürmə) maddəsi ilə təqsirləndilirən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib.