Naxçıvan Muxtar Respublikasında 40 yaşlı qadın ağır yanıq xəsarətləri alıb.
APA-nın Naxçıvan bürosu xəbər verir ki, hadisə Babək rayonunun Nehrəm kəndində baş verib. Kənd sakini, 1983-cü il təvəllüdlü Həmidə Hacıyevanın əlində olan spirt alışıb, onun üzü və bədəninin digər nahiyələri yanıb.
Hadisənin ehtiyatsızlıq nəticəsində baş verdiyi deyilir. O, Naxçıvan Muxtar Respublika Xəstəxanasına yerləşdirilib.
Faktla bağlı araşdırma aparılır.