Oğuzda dörd gün əvvəl yol qəzasına düşən şəxs xəstəxanada ölüb.
APA-nın Şimal-qərb bürosunun məlumatına görə, Oğuz rayon Mollalı kənd sakini Böyükağa Məhəmməd oğlu Hacıyev bu gün müalicə aldığı Şəki Rayon Mərkəzi Xəstəxanasında həyatını dəyişib.
Qeyd edək ki, avqustun 30-u axşam saatlarında rayonun Mollalı kənd sakini 1966-cı il təvəllüdlü Yusif Müslüm oğlu Abışov idarə etdiyi “VAZ 2106” markalı minik avtomobili ilə hərəkətdə olarkən maşın idarəetmədən çıxaraq yolun kənarındakı ağaca çırpılıb.
Qəza zamanı müxtəlif dərəcəli bədən xəsarətləri alan sürücü Yusif Abışov və sərnişini Böyükağa Hacıyev Şəki RMX-a yerləşdiriliblər.
Faktla bağlı Oğuz rayon polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
