Saatlıda yol qəzası baş verib.
APA-nın Mil-Muğan bürosunun məlumatına görə, hadisə Saatlı rayonunun Sarıcalar kəndində qeydə alınıb.
Saatlı rayonunun Əbilkənd kənd sakini, 1985-ci il təvəllüdlü Səbuhi Həsənovun idarə etdiyi “VAZ 2107” markalı maşın Cabir Zeynalovun idarə etdiyi “Mercedes” markalı avtomobillə toqquşub. Nəticədə S.Həsənov boyunun və qolun sınması diaqnozu ilə Şirvan şəhər xəstəxanasına yerləşdirilib. Faktla bağlı araşdırma aparılır.