Sabirabad Rayon Polis Şöbəsinin əməkdaşları tərəfindən qanunsuz ovun və mülki silahın daşınması qaydalarının pozulması hallarının qarşısının alınması məqsədilə keçirilən tədbirlər zamanı rayonun Muradbəyli kəndi ərazisində müvafiq icazə olmadan qanunsuz ov edən iki nəfər saxlanılıb.
DİN-in Mətbuat Xidmətinin Şirvan regional qrupundan APA-ya verilən məlumata görə, araşdırmalarla onların Sabirabad rayon sakini Rail Mustafayev və Masallı rayon sakini Fuad Əhədov olduqları müəyyən edilib.
Şöbə əməkdaşları tərəfindən həmin şəxslərdən 2 ədəd ov silahı və qanunsuz olaraq ovlanmış 2 ədəd çöl ördəyi aşkarlanaraq götürülüb.
Faktla bağlı Sabirabad RPŞ-nin Təhqiqat Bölməsində araşdırmalar aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
