Şəmkirdə keçmiş ər evi yandırıb, 2 yaşlı uşaq ölüb, ana və nənəsi xəsarət alıb - YENİLƏNİB - - FOTOSESSİYA

Şəmkirdə keçmiş ər evi yandırıb, 2 yaşlı uşaq ölüb, ana və nənəsi xəsarət alıb - YENİLƏNİB -  - FOTOSESSİYA
# 18 avqust 2019 10:17 (UTC +04:00)

Şəmkir rayon Sarıtəpə kəndində evdə baş verən yanğının təfərrüatı məlum olub.

APA-nın yerli bürosunun məlumatına görə, evi 3 ay əvvəl həyat yoldaşı Məsimova Mətanət İlqar qızından boşanmış Şəmkir rayonunun Dəllərcəyir kənd sakini Elmar Sadıqov yandırıb.

M. Məsimova bildirib ki, gecə saat 03.00 radələrində E. Sadıqov benzin çəlləyi ilə evə daxil olub, benzin tökərək evi yandırıb.

Qeyd edək ki, yanğın zamanı 2017-ci il təvəllüdlü Sadıqov Nicat Elmar oğlu həyatını itirib, anası 1995-ci il təvəllüdlü Məsimova Mətanət İlqar qızı və nənəsi 1964-cü il təvəllüdlü Məmmədova Səltənət Allahverdi qızı xəsarət alaraq xəstəxanaya yerləşdiriliblər. M. Məsimovanın bədəninin 70 faizi yanıb.

Faktla bağlı araşdırma aparılır.

***

saat 09.41

Şəmkirdə yaşayış evində yanğın baş verib.

APA-nın yerli bürosunun məlumata görə, hadisə rayonun Sarıtəpə kəndində qeydə alınıb.

Ümumi sahəsi 30 kvadratmetr olan bir otaqlı evdə baş verən yanğını söndürmək üçün əraziyə Şəmkir Yanğından Mühafizə Hissəsinin 2 avtomobili və canlı qüvvəsi cəlb olunub. Alov söndürülsə də, evin bütün yanar konstruksiyaları yanaraq yararsız hala düşüb.

Yanğın zamanı evdə olan 2017-ci il təvəllüdlü Sadıqov Nicat Elmar oğlu həyatını itirib. Onun anası 1995-ci il təvəllüdlü Məsimova Mətanət İlqar qızı və nənəsi 1964-cü il təvəllüdlü Məmmədova Səltənət Allahverdi qızı xəsarət alaraq xəstəxanaya yerləşdiriliblər.

Məlumata görə, M. Məsimova həyat yoldaşından boşanaraq 2 yaşlı övladı ilə atası evində yaşayırmış.

Faktla bağlı araşdırma aparılır.

#
#

ƏMƏLİYYAT İCRA OLUNUR