Şəmkirdə yol-nəqliyyat hadisə baş verib.
APA-nın yerli bürosunun məlumatına görə, hadisə rayonun Yeni Həyat kəndində qeydə alınıb.
Hərəkətdə olan “BMW” markalı avtomobilin sürücüsü idarəetməni itirib.
Nəticədə avtomobil yol kənarındakı betona çırpılıb.
Qəza zamanı 1997-ci il təvəllüdlü Bəhlul Quliyev,1998-ci il təvəllüdlü Sənan İbrahimov və 2000-ci il təvəllüdlü Urfan İbrahimov xəsarət alaraq xəstəxanaya yerləşdirilib.
Hadisə yerinə DYP əməkdaşları cəlb olunub.
Faktla bağlı araşdırma aparılır.