Xaçmazda beş nəfərin xəsarət alması ilə nəticələnən yol-nəqliyyat hadisəsi baş verib.
APA-nın şimal bürosunun verdiyi məlumata görə, "VAZ-2107" markalı avtomobil hərəkətdə olan "Mercedes" markalı avtomobilə çırpılıb.
Qəza nəticəsində Xaçmaz rayon sakinləri 2003-cü il təvəllüdlü Mirbaba Elnur oğlu Hacıyev və 2003-cü il təvəllüdlü Ramil Qərib oğlu Abdullayev, eləcə də Şabran rayon sakinləri 2005-ci il təvəllüdlü Emin Muxtar oğlu Şabətdinov, 2004-cü il təvəllüdlü Nihad Cavid oglu Əlimirzəyev və 2003-cü il təvəllüdlü Səbuhi İsgəndər oğlu İsgəndərov müxtəlif dərəcəli bədən xəsarətləri alıblar.
Faktla bağlı araşdırmalar davam etdirilir.