Zaqatalada 53 yaşlı qadın itkin düşüb.
APA-nın Şimal-qərb bürosunun məlumatına görə, Zaqatala şəhər sakini, 1970-ci il təvəllüdlü Elmira Muxtarova mayın 18-də səhər saat 11 radələrində yaşadığı ünvandan çıxıb və geri qayıtmayıb.
Onun psixi xəstəlikdən əziyyət çəkdiyi bildirilir.
Daxili İşlər Nazirliyinin Mətbuat xidmətinin Şəki regional qrupundan APA-ya bildirilib ki, qadının itkin düşməsi ilə bağlı yaxınları tərəfindən rayon polis şöbəsinə müraciət edilib. Onun tapılması istiqamətində zəruri axtarış tədbirləri keçirilir.