Bakı və Abşeronda rəqəmli radionun test yayımına başlanılıb

Bakı və Abşeronda rəqəmli radionun test yayımına başlanılıb
  • Clock-gray 17:03
  • calendar-gray 26 Avqust 2019

Bakı və Abşeron yarımadasında Avropanın “DAB+” (Digital Audio Broadcasting) standartı ilə rəqəmli radionun test yayımına başlanılıb. Bunu “APA-Economics”ə "Teleradio" İstehsalat Birliyindən deyiblər.

Qurumdan bildirilib ki, hazırda “DAB+” rəqəmli radionun əhatə dairəsinin ölçülməsi məqsədilə onun bütün texniki parametrləri Dövlət Radiotezliklər İdarəsinə təqdim olunub.

“Ölçülər aparıldıqdan sonra “DAB+”un əhatə dairəsi ilə bağlı dolğun məlumat almaq mümkün olacaq. İlkin yoxlamalara görə, Abşeron yarımadası tam əhatə olunub. Yeni radio standartın özəlliyi ondan ibarətdir ki, rəqəmli televiziyada olduğu kimi, “DAB+”da bir multipleksin üzərindən bir neçə radio kanalın yayımını təşkil etmək mümkündür”, - deyə İstehsalat Birliyindən qeyd ediblər.

Qeyd edək ki, hazırda ölkədə DAB+ standartını dəstəkləyən radioların sayı olduqca azdır. Lakin bu texnologiyanın tətbiqindən sonra onların sayının gələcəkdə artacağı gözlənilir.

Hüseyn Vəliyev

Digər xəbərlər

Arxiv

date