İtaliyada 2022-ci ilin nəticələrinə görə, inflyasiya səviyyəsi 1985-ci ildən bəri maksimum göstəriciyə çatıb və 8,1% təşkil edib.
“APA-Economics”in İtaliya Statistika İnstitutununa (ISTAT) istinadən verdiyi məlumata görə, belə göstərici enerjinin yüksək qiyməti ilə əlaqədardır.
“2022-ci ildə istehlak qiymətləri il ərzində orta hesabla 8,1% artıb ki, bu da 1985-ci ildən bəri ən böyük artımdır (o zaman bu göstərici 9,2% səviyyəsində olub)”, - məlumatda bildirilir.
Qeyd olunur ki, enerji daşıyıcılarının qiymətləri 2022-ci ildə orta hesabla 50,9%, 2021-ci ildə isə 14,1% artıb.
Statistika idarəsi 2023-cü ildə İtaliyada inflyasiyanın ən azı 5,1% olacağını proqnozlaşdırır.
Xatırladaq ki, İtaliya Azərbaycan neft və qazının əsas idxalçılarından biridir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
