“Moody's Investors Service” beynəlxalq reytinq agentliyi gələn il üzrə qlobal iqtisadi artım proqnozunu azaldıb.
"APA-Economics" beynəlxalq reytinq agentliyinə istinadən xəbər verir ki, böyük iyirmilik (G-20) ölkələrinin iqtisadiyyatları üçün artım proqnozları azaldılıb. Belə ki, “Moody's" bu ölkələr üzrə real ÜDM-in 2022-ci il üzrə artımı proqnozunu 2,5% olaraq saxlayıb. 2023-cü il üçün proqnozu isə 2,1%-dən 1,3%-ə endirib. Agentlik bunu gələn il qabaqcıl iqtisadiyyatlarda, xüsusən də Avropa və Şimali Amerikada iqtisadi fəallığın azalması isə əsaslandırıb. “Moody's" 2024-cü il üzrə isə 2,2%-lik artım proqnozlaşdırıb.
“Moody's" ümumilikdə üç əsas problemin pandemiyadan sonrakı bərpa prosesinə zərər vurduğunu qeyd edib. Buna inadla yüksək inflyasiya, qlobal enerji və Rusiya-Ukrayna münaqişəsi ilə bağlı ərzaq təhlükəsizliyi və Çin iqtisadiyyatının daha yavaş artım perspektivləri daxildir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
