Bu gün Azərbaycanda platinin qiyməti 4,2% artaraq bir unsiyaya görə 1 333,83 ABŞ dolları təşkil edib ki, bu da son altı ildən bir qədər artıq müddətdə qeydə alınmış ən yüksək göstəricidir.
"APA-Economics"in Azərbaycan Mərkəzi Bankının (AMB) məlumatları əsasında apardığı hesablamalarına görə, sonuncu dəfə platinin bundan yüksək dəyəri 2014-cü ilin 24 sentyabr tarixində qeydə alınıb (1 337 dollar).
Qeyd edək ki, dünya bazarlarında platinin bahalaşması iqtisadi nikbinlik fonunda müşahidə olunur. Belə ki, son 6 ildə platinin dəyəri maksimuma çatıb. Nyu-Yorkun "Comex" birjasında platinin fyuçərslərinin dəyəri bü gün saat 09:23-də 1,05% artaraq 1 326,5 dollara çatıb. Treyderlərin ümidlərinin artması dünyada peyvəndlərin yayılması ilə bağlıdır və bu trend xammala olan tələbatın artmasına səbəb olub.
Xatırladaq ki, təkcə bu ilin əvvəlindən sözügedən qiymətli metalın dəyəri 25,5%, ötən ilin eyni dövrü ilə müqayisədə isə 37,5% artıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
