Almaniyanın "Lufthansa" aviaşirkəti ölkənin ən əhəmiyyətli fond indeksi olan DAX-ı tərk edir.
"APA-Economics"in xarici mətbuata istinadən verdiyi məlumata görə, COVID-19 pandemiyası fonunda sərnişin daşımalarının tam dayandırılmasından sonra şirkətin səhmlərinin qiymətinin kəskin azalması səbəbindən "Lufthansa" DAX-dan ayrılmalı olacaq və MDAX indeksi ilə birləşən ikinci dərəcəli qrupa qoşulacaq. Fevral ayının əvvəlindən bəri aviaşirkətin qiymətli kağızları 30%-dən çox dəyərdən düşüb və bir müddət hətta tarixi minimum zonasında idi.
Qeyd edək ki, "Qontigo" şirkətinə məxsus qlobal indeks provayderi "STOXX Ltd" 22 iyun 2020-ci tarixində qüvvəyə minəcək DAX indekslər ailəsinə dəyişiklik elan edib. Sürətli çıxış qaydasına əsasən, "Deutsche Wohnen SE"nin səhmləri DAX-a daxil edilərək "Deutsche Lufthansa"nın səhmlərini əvəzləyəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
