Moldovanın Baş naziri istefa verməyəcəyini açıqlayıb

Moldovanın Baş naziri istefa verməyəcəyini açıqlayıb
  • Clock-gray 12:28
  • calendar-gray 07 Dekabr 2020

Moldovanın Baş naziri İon Kiku istefa verməyəcəyini bildirib. 

APA-nın TASS-a istinadən verdiyi xəbərə görə, bu barə Baş nazir hazırkı Prezident İqor Dodon və parlamentin sədri Zinayida Qreçani ilə görüşdən sonra deyib.   

"İndi hökumətin vəzifəsi dövlət büdcəsini təsdiqləyərək ölkədə təqaüd və əmək haqlarının ödənməsində problem yaranmasına imkan verməməkdir. Buna görə hamıdan sakit olmağı xahiş edirəm. Qarşımızdakı 10-12 gündə dövlət büdcəsi layihəsini qəbul etmək lazımdır və bundan sonra bütün siyasətçilər məsuliyyət daşıyacaq və cəmiyyətin tələbinə uyğun hərəkət etməli olacaqlar", - deyə Baş nazir qeyd edib.

O, parlamenti gələn ilin büdcəsinin təsdiqlənməsinə diqqət ayırmağa çağırıb: "2021-ci ilin dövlət büdcəsi, səhiyyə və sosial sığorta xərcləri, habelə maliyyə siyasəti dövlətin normal işləməsi, pensiya və maaşların ödənilməsi üçün parlament tərəfindən nəzərdən keçirilməli və qəbul edilməlidir. Parlamentarilər lazım hesab etdikləri bütün düzəlişləri etsinlər".

Xatırladaq ki, yeni seçilən Prezident Maya Sandu Baş nazir İon Kikunu istefa verməyə çağırıb.

Zümrüd Paşkin

Digər xəbərlər