Rusiyanın Başkortostan Respublikasının Tuymazinski rayonunun kəndlərindən birindəki yaşayış evində baş verən yanğında 6 nəfər ölüb, bir nəfər yaralanıb.
APA xəbər verir ki, bu barədə RİA "Novosti"yə Rusiya Fövqəladə Hallar Nazirliyinin mətbuat xidmətindən bildirilib.
Timirovo kəndindəki yanğın barədə məlumat mayın 9-da yerli vaxtla 4:09-da (Bakı vaxtı ilə 3:09-da) daxil olub. Yanğın saat 3:30-da tam söndürülüb.
"Yanğının söndürülməsi zamanı 6 ölü tapılıb ki, artıq onların şəxsiyyətləri müəyyənləşdirilib. Bundan başqa, yanğın nəticəsində bir nəfər yaralanıb. Ona tibbi yardım göstərilib.
Yanğının söndürülməsinə 8 ədəd texnika və Rusiya Fövqəladə Hallar Nazirliyinin 18 nəfəri cəlb olunub.