Ermənistan parlamentinin vitse-spikeri, Türkiyə ilə danışıqlar üzrə xüsusi nümayəndə Ruben Rubinyan Fransa səfiri Ann Luyonu qəbul edib.
APA “Sputnik Armenia”ya istinadən xəbər verir ki, bu barədə Ermənistan parlamentinin mətbuat xidməti məlumat yayıb.
Bildirilib ki, fransalı diplomatın xahişi ilə Ruben Rubinyan Ermənistan-Türkiyə münasibətlərinin normallaşması prosesinin hazırkı vəziyyəti, eləcə də son görüşdə əldə olunmuş razılaşmalar barədə onu məlumatlandırıb.
Görüşdə həmçinin regional problemlər də müzakirə olunub.