Rusiya Qara dəniz Donanması Sevastopolda qərargah ərazisinə zərbə endirildiyini təsdiqləyib.
APA-nın xəbərinə görə, Donanmanın mətbuat xidməti kiçik pilotsuz uçuş aparatına quraşdırılmış partlayıcı qurğunun işə düşməsi nəticəsində binalardan birində şüşələrin sındığını və 5 nəfərin yaralandığını açıqlayıb.
Qeyd edilib ki, yaralılara zəruri tibbi yardım göstərilib.
***
saat 09.30
Rusiyanın Qara dəniz Donanmasının qərargahına pilotsuz uçuş aparatından zərbə endirilib.
APA-nın xəbərinə görə, bu barədə Sevastopol qubernatoru Mixail Razvojayev “Telegram”da paylaşım edib.
Nəticədə 5 nəfər yaralanıb.
Təhlükəsizliklə əlaqədar Rusiya Hərbi-Dəniz Donanması Gününə həsr olunmuş təntənəli tədbirlər ləğv edilib.
Ukrayna Baş Qərargahı hələlik məsələ ilə bağlı məlumat yaymayıb.