Fotomüxbir Orxan Əzimin Nəsiminin Suriyadakı məqbərəsi və Hələb şəhərinin fotolarından ibarət sərgisi nümayiş olunub

Fotomüxbir Orxan Əzimin Nəsiminin Suriyadakı məqbərəsi və Hələb şəhərinin fotolarından ibarət sərgisi nümayiş olunub
  • Clock-gray 19:23
  • calendar-gray 27 Dekabr 2019

Dekabrın 27-də Heydər Əliyev Sarayında İmadəddin Nəsiminin Suriyadakı məqbərəsi və Hələb şəhərinin fotolarından ibarət sərgi nümayiş olunub.

APA-nın məlumatına görə, Mədəniyyət Nazirliyinin təşkilatçılığı ilə baş tutan sərginin müəllifi “Mədəniyyət” qəzetinin fotomüxbiri Orxan Əzimdir.

Mədəniyyət naziri Əbülfəs Qarayev jurnalistlərə açıqlamasında sərgini "Nəsimi ili”nə töhfə kimi qiymətləndirib: "Sərgi sayəsində Nəsiminin Suriyanın Hələb şəhərində yerləşən məzarının hazırkı vəziyyəti ilə tanış ola bilirik. Müharibələrin bizim maddi-mənəvi irsimizə necə böyük zərər verdiyinin bir daha şahidi oluruq".

Ə. Qarayev layihənin fotomüxbir Orxan Əzimin cəsarəti nəticəsində baş tutduğunu vurğulayıb: "Onun Suriyaya getmək cəhdləri baş tutdu, biz də Mədəniyyət Nazirliyi olaraq ona bu işdə dəstək verməyə çalışdıq. Böyük çətinliklərlə də olsa, Nəsiminin məqbərəsini ziyarət edərək, abidənin fotolarını çəkib. Nəsiminin məzarına gəldikdə isə, şəkillərdən də göründüyü kimi, orada hazırda təmir işləri aparılır. Azərbaycan da öz dəstəyini təklif edib. Ancaq görünür ki, Nəsiminin məzarı Suriya üçün də müqəddəs məkan hesab olunur".

Mirmehdi Ağaoğlu

Digər xəbərlər