Media

Ana səhifə

Media

Gəncənin “Alternativ” telekanalı “Xəbər+” informasiya proqramının 5 illik yubileyini qeyd edib

19 aprel 2007 11:43 (UTC +04:00)

Dünən Gəncənin “Alternativ” telekanalı “Xəbər+” informasiya proqramının 5 illik yubileyini qeyd edib. Bu barədə APA-nın qərb bürosuna telekanalın direktoru Elnur Abbasov məlumat verib. Onun sözlərinə görə, 5 il öncə ilk dəfə olaraq telekanalda xəbərlər proqramı efirə çıxaraq, Gəncədən və regiondan olan məlumatları tərəfsiz və qərəzsiz şəkildə vətəndaşların diqqətinə çatdırıb: “Bu gün xəbərlər departamentində siyasi, iqtisadi, mədəni, idman xəbərləri ilə yanaşı, gündəlik baş verən hadisələrlə bağlı operativ məlumatlar hazırlanır. Hazırda departamentin fəaliyyətinin genişləndirilməsi istiqamətində işlər aparılır”. E. Abbasovun sözlərinə görə, proqram əvvəllər “İnternyus-Azərbaycan” Gəncə Müstəqil Jurnalistika Mərkəzinin köməyi ilə reallaşırdı: “Artıq ikinci ildir “Xəbər+” informasiya proqramı telekanalda yaradılan xəbərlər departamentində hazırlanır”. /APA/