Bakıda keçirilən XV Avropa Gənclər Olimpiya Yay Festivalında oğlan həndbolçulardan ibarət Azərbaycan yığması mübarizəyə başlayıb.
APA-nın məlumatına görə, A qrupunda çıxış edən millimiz ilk turda Almaniya ilə üz-üzə gəlib.
Görüş Bundestimin aşkar üstünlüyü ilə keçib. İlk hissəni 23:3 hesabı ilə öndə tamamlayan almaniyalılar 45:9 hesabı ilə qələbə qazanıblar.
Qrupun digər oyununda Danimarka ilə Serbiya görüşüb. Şimallılar 29:16 hesabı ilə qalib gəliblər.
Qeyd edək ki, yığmamız sabah Danimarka ilə, iyulun 24-də Serbiya ilə qarşılaşacaq.