Bakıda keçirilən Avropa Gənclər Yay Olimpiya Festivalında tennisçilərin fərdi yarışları davam edir.
APA-nın məlumatına görə, Azərbaycan yığmasının iki üzvü mübarizəyə başlayıb.
Qızların yarışında 1/32 finalda mübarizəyə başlayan Polina Drobişeva ilk mərhələdə Salma Druqdova (Slovakiya) ilə qarşılaşıb. İki setdə uduzan təmsilçimiz mübarizəni dayandırıb – 1:6, 0:6.
Oğlanların yarışında Tamerlan Əzizov da Festivalla 1/32 finalda vidalaşıb. O, Daniele Minigini (İtaliya) ilə bacarmayıb – 4:6, 3:6.
Qeyd edək ki, daha iki tennisçimiz fərdi yarışlarda qüvvəsini sınayacaq. Alina Hüseynova qızların, Kənan Qasımov oğlanların yarışında 1/32 final matçına çıxacaq.