Bu ilin yanvar-fevral aylarında Türkiyənin avtomobil sənayesində istehsal həcmi illik ifadədə 6,5% azalaraq 222 264 vahid təşkil edib.
"APA-Economics"in "Anadolu" agentliyinə istinadən verdiyi məlumata görə, bu barədə Türkiyə Avtomobil Sənayesi Birliyinin hesabatında bildirilir.
Qeyd olunur ki, avtomobil istehsalı 16% azalaraq 136 882 vahidə enib. Traktor istehsalı nəzərə alınmaqla, yerli avtomobil sənayesinin istehsal həcmi 231 578 vahid təşkil edib.
Fevral ayında avtomobil sənayesində istehsalın həcmi aylıq ifadədə 9,3% azalaraq 116 088 vahidə, avtomobil istehsalı isə 22,4% azalaraq 68 105 vahidə enib.
Yanvar-fevral aylarında avtomobil sənayesinin potensialından 68% istifadə edilib.
Bu ilin ilk iki ayında Türkiyədən avtomobil sənayesinin məhsul ixracı 14% azalaraq 165 476-ya, xüsusilə avtomobil ixracı 27% azalaraq 98 433, traktorların ixracı isə 13% azalaraq 2 315 vahid təşkil edib.
Türk İxracatçılar Şurasının məlumatına görə, yanvar-fevral aylarında avtomobil sənayesi 17% payla Türkiyə ixracatındakı liderliyini qoruyub. Hesabat dövründə avtomobil məhsulları ixracı dollarla 3%, avro ilə isə 12% azalıb.
Ümumiyyətlə, bu sektorun məhsul ixracı yanvar-fevral aylarında dəyər ifadəsində 4,9 mlrd. ABŞ dolları təşkil edib, avtomobillərin ixracı 22% azalaraq 1,6 mlrd. dollara enib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
