2022-ci ilin iyul ayının 1-nə respublika üzrə uçotda olan 1 363 776 vergi ödəyicisinin 87,6%-i fiziki şəxslər, 12,4%-i isə hüquqi şəxslər və digər təşkilatlardır.
Dövlət Vergi Xidmətindən “APA-Economics”ə verilən məlumata görə, 2021-ci ilin müvafiq dövrü ilə müqayisədə vergi ödəyicilərinin sayı 7,3%, o cümlədən fiziki şəxslərin sayı 7,1% (ümumi artımın 85,3%-i), hüquqi şəxslərin sayı 8,6% (ümumi artımın 14,7%-i) artıb.
Yanvar-iyun ayları ərzində 7 658 kommersiya qurumu dövlət qeydiyyatından keçib ki, bu da 2021-ci ilin müvafiq dövrü ilə müqayisədə 36% çoxdur. Bu kommersiya qurumlarının 72,7%-i elektron qaydada, 27,3%-i kağız daşıyıcılarda edilmiş müraciətlər əsasında qeydə alınıb və onlardan 1308-nin (ümumi qeydiyyatın 17,1%-nin)
ƏDV-nin məqsədləri üçün qeydiyyata alınması ilkin qeydiyyat proseduru çərçivəsində təmin olunub.
2022-ci ilin 6 ayı ərzində qeydiyyatdan keçən kommersiya qurumlarının 77,5%-i yerli investisiyalı, 22,5%-i xarici investisiyalı qurumlardır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
