Dünya Axıska Türkləri Birliyi SOCAR-a təşəkkür edib

Dünya Axıska Türkləri Birliyi SOCAR-a təşəkkür edib
  • Clock-gray 10:08
  • calendar-gray 18 İyun 2020

Dünya Axıska Türkləri Birliyinin (DATÜB) Baş direktoru Ziyatdin Kassanov SOCAR-ın Gürcüstandakı nümayəndəliyinə təşəkkür məktubu göndərib.

SOCAR-dan “APA-Economics”ə verilən məlumata görə, məktubda qeyd edilir ki, 2010-cu ildə yaradılan DATÜB Axıska Türklərinin dövlətlərarası qeyri-hökumət təşkilatıdır. Qurum yarandığı gündən Vətənlərindən uzaqda, dünyanın 9 müxtəlif ölkəsində yaşayan axıskalı türk tələbələrinin təhsil almaları üçün təqaüdlərin verilməsinə köməklik göstərir.

Birlik Axıska sürgünün 75-ci ildönümü ərafəsində Azərbaycandan gəlib Gürcüstandakı müxtəlif universitetlərdə təhsil alan, Axıska türkü olan tələbələrə təqaüdlərin verilməsinə görə SOCAR-ın Gürcüstandakı nümayəndəliyinə təşəkkür edib.

Qeyd etmək lazımdır ki, “SOCAR Georgia” şirkəti, 2008-ci ildən etibarən Gürcüstanın dövlət universitetlərində təhsil alan azərbaycanlı tələbələrin təhsil haqqlarını ödəyir. 2019-cu ildə bu tələbələrin sayı 1980 nəfərə çatıb. 2013-2017-ci illər ərzində şirkət tərəfindən Gürcüstanın dövlət universitetlərində təhsil alan 120 azərbaycanlı əlaçı tələbəyə də təqaüd verilib.

Emil İsmayılov

Digər xəbərlər