ABŞ-ın Energetika Nazirliyi yanında Energetika İnformasiyası Agentliyinin (EIA) proqnozlarına əsasən, 2020-ci ildə “Brent” markalı neftinin bir bareli üçün orta qiyməti 61 ABŞ dolları təşkil edəcək ki, bu da noyabr ayında verilən proqnoz göstəriciləri ilə müqayisədə 1 dollar və ya 1,7% çoxdur.
“APA-Economics”in EIA-yə istinadən verdiyi məlumata görə, 2019-cu il üçün “Brent” markalı neftin bir barelinin orta qiyməti üzrə EIA-in proqnozu dəyişməz qalıb – 64 dollar.
Verilən proqnoza görə, 2020-ci ildə WTI markalı neftinin bir bareli üçün orta qiyməti “Brent” markalı neftin qiyməti ilə nisbətdə 5,5 ABŞ dolları aşağı olacaq və 55,5 dollar yaxın təşkil edəcək (1,8% azalma).
EIA-in gələn il neft qiymətlərinin aşağı düşəcəyi gözləntisi 2020-ci ildə dünya neft ehtiyatlarının (xüsusi ilə də ilin birinci yarısında) artımı üzrə proqnozuna əsaslanır.