SOCAR Ukraynada kimya zavodunun özəlləşdirilməsində iştirak edə bilər

SOCAR Ukraynada kimya zavodunun özəlləşdirilməsində iştirak edə bilər
  • Clock-gray 16:27
  • calendar-gray 30 Yanvar 2020

SOCAR "Odessa Liman Zavodu" ASC-nin (kimya məhsullarının istehsalı üzrə müəssisə) özəlləşdirilməsində iştirak edə bilər.

"APA-Economics"in xəbərinə görə, bu barədə məlumatı  zavodun direktorunun birinci müavini Nikolay Şürikov "Facebook" səhifəsində paylaşıb.

Onun sözlərinə görə, bu ilin yanvarın 29-da Ukrayna Prezidenti Aparatının rəhbəri Andrey Boqdan, Ukrayna Dövlət Əmlak Fondu sədrinin müavini Sergey İqnatovski və SOCAR-ın prezidenti Rövnəq Abdullayevin rəhbərliyi altında şirkətin nümayəndə heyəti "Odessa Liman Zavodu"nu ziyarət ediblər. Görüşdə Azərbaycan şirkətinin "Odessa Liman Zavodu"nun qarşıdakı özəlləşdirilməsində mümkün iştirakı məsələləri müzakirə edilib. Qonaqlar zavodu ziyarət edərək müəssisənin rəhbərliyi ilə rəsmi görüş keçiriblər.

Qeyd edək ki, "Odessa Liman Zavodu" ASC Ukraynanın kimya sənayesində fəaliyyət göstərən ən böyük müəssisələrdən biridir. Zavod ammonyak, karbamid, maye azot, karbon dioksidi, maye oksigen, natrium sulfat istehsalında ixtisaslaşıb.

Emil İsmayılov

Digər xəbərlər