APA BLOQ
SOCAR: Gürcüstanın qaza olan tələbatını ödəmək Azərbaycan üçün böyük yük deyil
-
17:13
-
02 Dekabr 2019
“Gürcüstanın qaza olan tələbatının böyük hissəsini qarşılamaq Azərbaycan üçün böyük bir yük deyil”.
“APA-Economics”in “APA TV”ə istinadən verdiyi məlumata görə, bu barədə SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov bildirib.
Onun sözlərinə görə, hazırda Gürcüstanın təbii qazan olan illik tələbatı 2-2,5 mlrd. kubmetrdir, bunun da əsas hissəsini Azərbaycan təmin edir.
“Bu, bizim üçün onu qarşılamaq (tələbatı – red.) çətin bir iş deyil. Əlbəttə, biz mənfəət də götürürük. Lakin bu, Azərbaycanla müqayisədə kiçik bir tələbatdır. Azərbaycanın özünün qaza olan illik tələbatı 11 mlrd. kubmetrdir, Gürcüstanda bu göstərici təxminən 4 dəfə aşağıdır”, - deyə İ. Əhmədov qeyd edib.
SOCAR-ın nümayəndəsi onu da əlavə edib ki, enerji təchizatı sahəsində Azərbaycanla Gürcüstan strateji tərəfdaşdırlar. Gürcüstan Azərbaycan enerji resurslarının xarici bazarlara çıxarılmasını təmin etmək üçün tranzit rol oynayır ki, bu da bu ölkənin əhəmiyyətini artırır: “Yəni, biz bir birimizə lazım olan və faydalı tərəfdaşlarıq”.
Hazırda Tbilisi şəhərini istisna etməklə Gürcüstan regionlarında qazpaylayıcı şəbəkələri məhz SOCAR şirkəti tərəfindən idarə edilir. Bundan başqa, SOCAR bu ölkədə neft məhsullarının satışını da həyata keçirən şirkətlərdən biridir, İ. Əhmədov vurğulayıb.
Digər xəbərlər
VİDEO XƏBƏRLƏR
Bakıda Ziya Bünyadov prospektində zəncirvarı qəza baş verib, yolda tıxac yaranıb - FOTO - VİDEO
"Ulduz" şokolad fabriki “Soyuq əllər, isti ürək” yarmarkasında iştirak edir - VİDEO
DİN ötən gün "Torqovı"da baş verən hadisə ilə bağlı məlumat yayıb - VİDEO
Bakının Nərimanov rayonunda iki avtomobil toqquşub - FOTO - VİDEO
FOTO XƏBƏRLƏR
Psixoloqların diaqnostik qiymətləndirilməsi üzrə imtahan proqramı açıqlanıb
Hər zaman aldığımız karamel nədir və onun hansı növləri var? - FOTO - VİDEO
Azərbaycan yığmasının 7 cüdoçusu “Top-20”də yer alıb
“Siyasi repressiya qurbanları muzeyi”nin açılışı olub - FOTOSESSİYA
