Ukrayna neftin nəqlini 3% artırıb

Ukrayna neftin nəqlini 3% artırıb
  • Clock-gray 14:43
  • calendar-gray 14 Dekabr 2020

Bu ilin yanvar-noyabr aylarında Ukraynanın əsas neft boru kəmərləri sisteminin operatoru “Ukrtransnafta” şirkəti Avropaya tranziti artırıb, noyabr ayında isə Belarusa neft ixrac edib.

APA-Economics” şirkətin yaydığı məlumata istinadən xəbər verir ki, bu ilin 11 ayında nəql olunan neftin həcmi 14,6 mln. ton təşkil edib, bu da keçən ilin eyni dövrünün göstəricisindən 3% çoxdur.

Xüsusilə, 2020-ci ilin yanvar-noyabr aylarında Ukrayna neft emalı zavodları üçün neft nəqlinin həcmi 2,4 mln. ton (2019-cu ilin bu dövrünə nisbətən 9,8% çox), tranzit isə 12,1 mln. ton (2019-cu ilin eyni dövrü ilə müqayisədə 1,1% çox) olub.

2020-ci ilin noyabr ayında neft nəqlinin ümumi həcmi ötən ilin noyabr ayına nisbətən 12,7% azalaraq 1,3 mln. ton təşkil edib. Xüsusilə, Ukrayna ərazisindən boru kəməri ilə neftin tranziti 22,1% azalaraq 1,03 mln. ton olub. Eyni zamanda, Ukrayna neft emalı zavodlarına neft nəqlinin həcmi 9,1% artaraq 225,6 min tona çatıb.

Ayrıca, 2020-ci ilin noyabr ayında “Ukrtransnafta” “BNK (UK) Limited” şirkəti ilə bağlanan satınalma müqaviləsi çərçivəsində Belarusun “Mozır” NEZ-inə 79,9 min ton neft ixrac edib.

Xatırladaq ki, “Ukrtransnafta” bu ilin noyabrında “SOCAR Trading”dən satın alınan və “Cənub” dəniz neft terminalında qəbul edilən neftin satışı üzrə müqavilələr bağlayıb.

Hüseyn Vəliyev

Digər xəbərlər