“SOCAR Trading” və Qazaxıstanın treydinq şirkətləri Qazaxıstan neftinin Bakı-Tbilisi-Ceyhan (BTC) boru kəməri ilə nəql edilməsinə dair danışıqlar aparır.
"APA-Economics"in məlumatına görə, bunu jurnalistlərə açıqlamasında Qazaxıstanın Energetika naziri Kanat Bozumbayev deyib.
Onun sözlərinə görə, istisna deyil ki, nəticələr artıq bu il əldə oluna bilər: "Neftin qiymətinin aşağı olması fonunda bu nəticələr hamıya lazımdır. Ölkələr öz resurslarını dünya bazarlarına çıxarmaq üçün daha effektiv yol axtarışındadır".
Nazir əlavə edib ki, hazırda Qazaxıstanın BTC üçün bir o qədər də böyük resursları yoxdur.
"Hasilat həcminin artırılması üç layihənin icrası ilə bağlıdır. Söhbət “Kaşaqan”, “Tengiz” və “Karaçıqanaq” yataqlarının işlənməsindən gedir ki, ölkə üzrə 70% hasilat məhz bu yataqların payına düşür. 2022-2023-cü illərdə “Tengiz”də hasilat kəskin – illik olaraq 12-13 mln. tonadək artacaq. Belə olan təqdirdə rəqabətli tariflər təklif etmək mümkün olacaq", - deyə K. Bozumbayev qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
