Qazın Şərqi Avropaya nəqlinə imkan verə biləcək Transxəzər qaz kəmərinin tikintisi layihəsi Türkmənistanın gündəmində qalır.
“APA-Economics”in Rusiya mətbuatına istinadən verdiyi xəbərə görə, bunu Abu-Dabidə keçirilən ADIPEC neft-qaz konfransında çıxışı zamanı baş nazirin müavini Şahım Abdrahmanov deyib.
"Transxəzər layihəsi bu günə gündəmdən çıxarılmayıb. Bu layihə Azərbaycan, Gürcüstandan keçərək daha sonra Şərqi Avropa ölkələrinə gedir", - Şahım Abdrahmanov qeyd edib.
O qeyd edib ki, bu gün Avropaya qaz nəqli məsələsi Türkmənistan üçün ən aktual məsələlərdən biridir.