Məhkumlara müavinət, təqaüd və kompensasiya təyin edilməsi üçün tələb olunacaq sənədlər müəyyənləşib

Məhkumlara müavinət, təqaüd və kompensasiya təyin edilməsi üçün tələb olunacaq sənədlər müəyyənləşib
  • Clock-gray 23:12
  • calendar-gray 17 İyul 2019

Nazirlər Kabineti  “Müavinət, təqaüd və kompensasiyanın təyin edilməsi üçün tələb olunan sənədlərin siyahısı”nda dəyişiklik edib.

APA-nın məlumatına görə, dəyişiklik azadlıqdan məhrum etmə və ömürlük azadlıqdan məhrum etmə növündə cəzaya məhkum olunmuş şəxslər üçün aylıq müavinətin, təqaüdün və kompensasiyanın təyin edilməsi ilə əlaqədardır.

Beləliklə, aylıq müavinətin, təqaüdün və kompensasiyanın təyin edilməsi üçün Cəzaların İcrası Məcəlləsinin 90.4-cü maddəsinə uyğun olaraq müəyyən müddətə azadlıqdan məhrum etmə və ömürlük azadlıqdan məhrum etmə növündə cəzaya məhkum olunmuş şəxslər barədə aşağıdakı sənədlər və məlumatlar tələb olunacaq:

- məhkəmə hökmünün qanuni qüvvəyə mindiyi tarix;

- cəzaçəkmə müddəti;

- cəzaçəkmə müddətinin başlanğıcı;

- cəzanın çəkilməsi üçün müəyyən edilmiş cəzaçəkmə müəssisəsinin ünvanı;

- məhkumun şəxsi hesabının nömrəsi;

- məhkumun bir cəzaçəkmə müəssisəsindən digərinə keçirilməsi.

 

Ramiz Mikayıloğlu

Digər xəbərlər

Arxiv

date