“Zərərli vərdişlər - siqaret çəkmək və alkoqol qəbulu qalxanabənzər vəzin funksiyasını pozur. Hətta zəhərli zobun müalicəsi siqaret çəkənlərdə olduqca çətinlik yaradır”.
APA xəbər verir ki, bunu Səhiyyə Nazirliyinin mütəxəssis-eksperti, cərrah-endokrinoloq Azər Hümmətov deyib.
Onun sözlərinə görə, qalxanabənzər vəzi xəstəliyinin yaşı xeyli cavanlaşıb: “Hətta 6-7 yaşlı uşaqlarda da bu xəstəliyə rast gəlirik və çox təəssüf ki, azyaşlılarda zəhərli zob üstünlük təşkil edir. Quba, Qəbələ, Qax, Şəki, Zaqatala, Lənkəran və Naxçıvanda yaşayan insanlarda yod çatışmazlığı nəticəsində bu xəstəliyə daha çox rast gəlinir. Hətta apardığımız tədqiqatların bir hissəsi olaraq orada yaşayan uşaqları ultrasəs müayinəsi etdik. Bu ərazilərdə yaşayan məktəb yaşındakı uşaqların çox hissəsində qalxanabənzər vəzi düyümlərinə rast gəldik. Lənkəranda daha çox zəhərli, Naxçıvanda isə düyümlü zobla rastlaşırıq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
