Azərbaycan Milli Elmlər Akademiyasının elmi-istehsalat və elmi xidmət müəssisələrinin yeni təsnifatı müəyyənləşib.
APA-nın məlumatına görə, bu, Prezident İlham Əliyevin bu gün imzaladığı fərmanla Azərbaycan Milli Elmlər Akademiyasının Nizamnaməsində edilən dəyişiklikdə əksini tapıb.
Nizamnaməyə əsasən, indiyə qədər Akademiyanın təcrübi-konstruktor, layihə-konstruktor, təcrübi-istehsal, layihə-texnoloji müəssisələri, kitabxanaları, arxivləri Akademiyanın elmi xidmət müəssisələri sayılıb.
Dəyişikliyə əsasən, artıq Akademiyanın yüksək texnologiyalar parkları, təcrübə-sənaye qurumları, təcrübi-konstruktor, layihə-konstruktor, təcrübə-istehsal, layihə-texnoloji təşkilatları, habelə dayaq məntəqələri elmi-istehsalat müəssisələri, kitabxanaları və arxivləri isə elmi xidmət müəssisələridir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
