İnzibati rəhbər vəzifələr üzrə test imtahanında iştirak etmək üçün 92 nəfər qeydiyyatdan keçib

İnzibati rəhbər vəzifələr üzrə test imtahanında iştirak etmək üçün 92 nəfər qeydiyyatdan keçib
  • Clock-gray 19:08
  • calendar-gray 13 Fevral 2021

Dövlət İmtahan Mərkəzi (DİM) tərəfindən inzibati dövlət qulluğu vəzifələrinin A və B növünə aid olan AA, AB, AC və BA, BB qruplarına uyğun vəzifələr üzrə fevralın 19-da keçiriləcək test imtahanlarına qeydiyyat davam edir.

APA Dövlət İmtahan Mərkəzinə istinadən xəbər verir ki, A növünə (inzibati rəhbər) aid olan imtahan kompüter, B növünə (inzibati icraçı) aid olan imtahan isə kağız daşıyıcılar vasitəsilə keçiriləcək. 

İmtahanda iştirak üçün 125 yer ayrılıb. Bu gün saat 19:00-a olan məlumata görə, 92 nəfər (AA - 3, AB - 41, AC - 48)) qeydiyyatdan keçib.

A növünə aid imtahanda iştirak etmək üçün qeydiyyat fevralın 18-i saat 14:00-dək aparılacaq. Bu imtahan DİM-in Nəsimi rayonu, Əbdülvahab Salamzadə küçəsi, 28 (keçmiş Bakı Asiya Universitetinin binası) ünvanında keçiriləcək. 

B növünə aid imtahanda iştirak etmək üçün 2000 yer ayrılıb. Qeydiyyatdan 1999 nəfər qeydiyyatdan keçib (BA - 533, BB - 1466). Qeydiyyat başa çatıb. İmtahan Bakı şəhərində keçiriləcək. İmtahan kağız daşıyıcılar vasitəsilə aparılacaq. İmtahan yeri və vaxtı namizədin buraxılış vərəqəsində göstəriləcək. 

Günay Elşadqızı

Digər xəbərlər