İnzibati xətalar haqqında elektron qərarın rəsmi qaydada verilmiş hesab olunacağı hallar müəyyənləşir

İnzibati xətalar haqqında elektron qərarın rəsmi qaydada verilmiş hesab olunacağı hallar müəyyənləşir
  • Clock-gray 12:05
  • calendar-gray 19 Fevral 2021

Əmək, məşğulluq, əmək pensiyaları, sosial müavinətlər və icbari sığorta sahələrində qanunvericiliyin pozulması ilə əlaqədar müvafiq informasiya sistemləri vasitəsi ilə aşkar edilən inzibati xətalar haqqında elektron protokol və ya inzibati tənbeh vermə haqqında elektron qərarın rəsmi qaydada verilmiş hesab olunacağı hallar müəyyənləşir.

APA-nın məlumatına görə, bu, Milli Məclisin 23 fevralda keçiriləcək iclasında birinci oxunuşda müzakirəyə çıxarılacaq “Azərbaycan Respublikasının İnzibati Xətalar Məcəlləsində dəyişiklik edilməsi haqqında” qanun layihəsində əksini tapıb.

Layihəyə əsasən,  əmək, məşğulluq, əmək pensiyaları, sosial müavinətlər və icbari sığorta sahələrində qanunvericiliyin pozulması ilə əlaqədar olan inzibati xətalar haqqında elektron protokol və ya inzibati tənbeh vermə haqqında elektron qərar aşağıdakı hallarda da rəsmi qaydada verilmiş hesab olunacaq:

- İnzibati xəta törətmiş şəxsin elektron kabinetində olan mobil telefon nömrəsinə inzibati xəta haqqında SMS məlumat çatdırıldığı vaxtdan;

- İnzibati xəta törətmiş şəxs elektron kabinetinə yerləşdirilmiş inzibati xəta haqqında elektron protokol və ya inzibati tənbeh vermə haqqında elektron qərar və ya onun əlavələri ilə tanış olduğu vaxtdan (elektron kabinetində mobil telefon nömrəsi olmadığı halda). 

Firuzə Vahid

Digər xəbərlər