İslamşünaslıq ixtisasına qəbul olmaq istəyənlər üçün qeydiyyat başlayıb

İslamşünaslıq ixtisasına qəbul olmaq istəyənlər üçün qeydiyyat başlayıb
  • Clock-gray 10:38
  • calendar-gray 31 Avqust 2020

İslamşünaslıq ixtisasına qəbul olmaq üçün müsahibədə iştirak etmək istəyən abituriyentlər 31 avqust - 2 sentyabr tarixlərində Dini-Psixoloji Komissiya (DPK) üzrə qeydiyyatdan keçməlidirlər.

Dövlət İmtahan Mərkəzindən APA-ya verilən məlumata görə, abituriyentlər 2 sentyabr saat 23:59-dək buradan Dini-Psixoloji Komissiya üzrə qeydiyyatdan keçə bilərlər. İslamşünaslıq ixtisası üzrə DPK Bakıda fəaliyyət göstərəcək.

Müsahibədə abituriyentin dünyagörüşü və dini bilikləri, dini baxışlar və dünyəvilik anlayışı, psixoloji parametrlərinin İslamşünaslıq ixtisasına uyğunluğu, tolerantlıq və multikulturalizm təsəvvürləri yoxlanılır.

Müsahibədən uğurla keçən abituriyentlər ixtisas seçimi zamanı digər ixtisaslarla yanaşı, Azərbaycan İlahiyyat İnstitutunun İslamşü­nas­lıq ixtisasını da seçə bilərlər.

DPK-nın tərkibinə ilahiyyat sahəsi üzrə mütəxəssislər, ekspertlər, psixoloqlar və DİM-in əməkdaşları daxil edilirlər. 

Qeyd edək ki, müsahibədə III ixtisas qrupunu seçmiş və müsabiqə şərtlərinə əsasən ümumi balı 150, o cümlədən qəbul imtahanının II mərhələsi üzrə minimum 50 bal toplamış abituriyentlər iştirak edə bilərlər. Müsahibədən məqbul qiymət almış abituriyentlər ixtisas seçimi zamanı elektron ərizələrində islamşünaslıq ixtisasını qeyd edə biləcəklər.

III ixtisas qrupunun İslamşünaslıq ixtisası üzrə müsabiqə abituriyentin qəbul imtahanında (iki mərhələnin nəticəsində) topladığı ümumi bal əsasında aparılır.

Günay Elşadqızı

Digər xəbərlər