Qanunsuz ov edən şəxslər saxlanılıb

Qanunsuz ov edən şəxslər saxlanılıb
  • Clock-gray 11:53
  • calendar-gray 11 Mart 2021

Qanunsuz ov hallarının qarşısının alınması məqsədilə Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Bakı şəhər sakinləri Mirsəməd Abbasov, Elxan Qubadov, Xaçmaz rayon sakini Elçin Haqverdiyev, Ruslan Qəhrəmanov, Muxtar Şirinov, Asif Mürsəliyev, Şabran rayon sakini Rəvan Məlikov, Qubadlı rayon sakini Ömər Mehralıyev, Sabirabad rayon sakinləri Mircəfər Ağayev, Pərviz Sadıqov, Elman Soltanov, Sərxoş Zeynalov, Yevlax rayon sakini Ruslan Cəfərov və Elşad Mehdiyev qadağan olunmuş vaxtda ov etdiklərinə görə saxlanılıb. 

APA-nın məlumatına görə, bunu Xidmətin rəsmisi Bəhruz Məhəmmədov bildirib. O qeyd edib ki, faktlarla bağlı qanun pozucuları barəsində qanunamüvafiq tədbirlər görülüb: "Sumqayıt şəhərinin Xəzər dənizi sahillərində, Mingəçevir  su anbarında və Baş Mil-Muğan Kollektorunun Neftçala rayonu Yeniqışlaq kəndi ərazisindən keçən hissəsində isə qanunsuz balıq ovlayan Bakı şəhər sakini Əmiraslan Hüseynov, Yevlax rayon sakinləri Xaləddin Əliyev, Mənsur Məmmədov və Neftçala rayon sakini Fuad Həziyev saxlanılıb və barələrində protokol tərtib edilib".

Əsmər Qabil

Digər xəbərlər